.png)
Gazeta Si - Një konflikt mes dy fqinjëve për ndezjen e një zjarri në oborrin e shtëpisë, ka përfunduar në tragjedi në Fier.
Haxhi Balla ka ndërruar jetë në spital këtë të enjte, pasi u godit me thikë nga fqinji i tij pas një mosmarrëveshjeje të çastit.
Ngjarja ndodhi në fshatin Qënas, ku 39-vjeçari Armando Boriçi goditi me thikë babë e bir.
Mësohet se konflikti nisi pas ndezjes së një zjarri nga Haxhi e Aleks Balla, tymi i të cilit përfundoi në dritaren e shtëpisë së 39-vjeçarit.
Sherri nisi fillimisht me fjalë e shpulla, ndërsa përfundoi me goditjen e thikës nga ana e Boriçit ndaj Aleks e Haxhi Ballës.
Policia ndaloi autorin e ngjarjes, ndërsa u shoqëruan në spitalin e Fierit dy të lënduarit, por fatkeqësisht 77-vjeçari nuk arriti ti mbijetojë goditjeve të thikës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
