.png)
Gazeta Si – Gjatë festivalit Corralejas (luftë me dema) në qytetin El Espinal, në zonën qendrore të Kolumbisë, një sektor i tërë i tribunës anësore u shemb, duke rënë mbi spektatorët që ishin ulur në tribuna.
Njëri nga demat, i organizuar gjatë demonstrimit, u largua nga struktura, duke mbjellë më shumë panik në rrugët e qytetit.
Në përfundim të operacioneve të shpëtimit u regjistruan mbi 100 të plagosur dhe tetë të vdekur, mes tyre dy gra dhe një i mitur.
Lufta me dema, e cila po zhvillohej në mesditën e 26 qershorit në qendër të “Placa de Toros”, u ndërpre menjëherë nga kaosi dhe tmerri i njerëzve që u larguan në mënyrë të çorganizuar nga struktura.
Ekipet e shpëtimit të mbërritur në vendin e shembjes, kanë marrë ndihmë edhe nga personat që ndodheshin aty dhe që kishin ende të afërm dhe të njohur nën rrënoja.
I menjëhershëm ka qenë edhe mesazhi i presidentit të sapozgjedhur kolumbian, Gustavo Petro: “Shpresoj që të gjithë njerëzit e prekur nga shembja e Plaza de El Espinal të dalin të padëmtuar. Kërkoj nga kryetarët e bashkive. për të mos autorizuar më shumë shfaqje me vdekjen e njerëzve apo kafshëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
