Nga Gazeta 'SI'- Sektori turistik në Shqipëri arriti një rekord të ri gjatë marsit duke treguar se sezoni turistik ka nisur.
INSTAT tregon se numri vizitorëve kaloi shifrën e 115 mijë, me rritje pothuajse 15% nga marsi 2023. Rreth 70% e tyre janë të huaj dhe pjesa tjetër rezidentë.
Numri i netë qëndrimeve gjithsej është rritur me 46% nga marsi 2023 në mars 2024.
Qendra dhe zonat jo-bregdetare ishin rajonet më të vizituara nga turistët në Shqipëri, me rritje 63% dhe 69% respektivisht. 98% e vizitorëve qëndruan në hotele dhe akomodime të ngjashme, ndërsa interesi për hapësirat në natyrë është zbehur.
![](https://gazetasi.al/wp-content/uploads/2024/05/WhatsApp-Image-2024-05-22-at-10.24.35-1.jpeg)
Gjatë këtij muaji, norma e shfrytëzimit të dhomave të “Hoteleve dhe akomodimeve të ngjashme” është 17. %, kundrejt 9.6 % që ishte në muajin mars 2023. Norma e shfrytëzimit të shtretërve të “Hoteleve dhe akomodimeve të ngjashme” është 17.6 %, kundrejt 10.8 % që ishte në muajin mars 2023.
Italia, Kosova dhe Gjermania janë vendet që sjellin më shumë vizitorë në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.