.png)
Napoli duhet të gjejë një mbrojtës qendre në merkaton e janarit, pas largimit të grekut Kostas Manolas. Drejtuesit janë gati t’i bëjnë një dhuratë trajneri Spaleti dhe ndër emrat e parë në listën e tyre është Marash Kumbulla, mbrojtësi i Kombëtares shqiptare.
Shtypi italian thuajse çdo ditë shkruan për interesimin e Napolit për lojtarin kuqezi. Së fundi është “La Repubblica” që shkruan se Xhuntoli ka kohë që ndjek situatën e Marash Kumbullës te Roma, pasi kërkon ta marrë atë te Napoli.
Gazeta italiane bën me dije se është e vështirë që kjo lëvizje të bëhet në merkaton e dimrit, sepse Roma kërkon të përfitojë nga largimi i Kumbullës dhe synon shkëmbimin e tij me një lojtar tjetër të një niveli të kënaqshëm. Napoli po ndjek në të njëjtën kohë edhe Nikolò Kazalen e Veronës, një mbrojtës i datëlindjes 1998, që vlerësohet 15 milionë euro nga klubi i tij.
Nëse Kumbulla do të kalonte te Napoli, që e ka kërkuar që në kohën kur luante me Veronën, do të bashkohej sërish me Amir Rrahmanin, mbrojtësi e Kosovës që po bën një sezon të shkëlqyer me Spaletin. Kumbulla dhe Rrahmani ka qenë titullarë te Verona dy sezone më parë dhe paraqitjes shumë të mirë u blenë nga klube më të mëdha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
