.png)
Guvernatori i Bankës së Shqipërisë z.Gent Sejko njoftoi se normat e interesit do të vazhdojnë të mbahen në nivelin e 0.5% deri në një vendim të dytë.
Të pandryshuara vazhdojnë të mbesin edhe normat e depozitave dhe kredive njëditore, respektivisht me 0.1% dhe 0.9%.
Z.Sejko në konferencë njoftoi se edhe inflacioni do të vazhdoi të mbetet nën monitorim të objektivit 2%, duke e cilësuar si të qëndrueshëm gjatë muajit të shkuar, por të pamjaftueshëm.
Rritja e pagave dhe kostove të prodhimit, bashkë me ecurinë e çmimeve do të jenë faktorë mbështetës të kthimit të inflacionit objektiv.
"Papunësia rezulton akoma nën nivelin e vitit 2019. Shpenzimet kanë qenë më të larta se të ardhurat, ndonëse u rritën me 37% në raport vjetor. Kredia për sektorin privat u rrit me 7.7%, e fokusur tek ajo për qëllime investimi dhe për banesa. "
Guvernatori tha se BSH pret rikthim të vëmendjes së qeverisë në financat publike dhe përmirësim të reformave strukturore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
