Sulmuesi egjiptian, Mohamed Salah, duket i destinuar për të shkuar te katalanasit. Kontrata e tij me Liverpulin skadon në vitin 2023 dhe stacioni i radhës pritet të jetë Spanja.
Edhe një vit pritje, pastaj Salah do të hapë një kapitull të ri në karrierën e tij. Këto janë lajmet që vijnë nga shtypi sportiv britanik. Në ishull shkruajnë se sulmuesi do të largohet nga “Reds” pas 6 sezonesh.
Egjiptiani, gjithmonë sipas shtypit britanik, ka zgjedhur fanellën e Barcelonës. Më parë emri i Salah është lakuar shpesh në merkaton e Realit, por duket se ai do të përfundojë te rivalët e Barcelonës.
Katalanasit duan të bëjnë disa përforcime të rëndësishme. Dhe ndërsa për Salah koha pret, për këtë verë emri më i lakuar mbetet ai i Robert Levandovskit, i cili nuk do të rinovojë me Bajernin. Por jo vetëm polaku.
Barcelona synon të afrojë edhe argjentinasin Angel Di Maria. Sulmuesit anësor i ka përfunduar kontrata me PSG-në dhe për të është folur shumë për një kalim te Juventusi. Tani në garë hyn edhe Barcelona, edhe pse bëhet fjalë për një ‘armik”. Di Maria më parë ka luajtur për Realin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.