Gazeta Si - Prokuroria e Posaçme ka dërguar për gjykim çështjen e pedagogut të Akademisë së Sigurisë, Qetësor Gurra dhe punonjësin e policisë rrugore, Dritan Lelaj.
Ata u arrestuan me urdhër të SPAK në dhjetor të vitit të kaluar nën akuzën për falsifikim të dokumenteve dhe ushtrim ndikimi të paligjshëm.
Kryekomisari Qetsor Gurra, lektor në Akademinë e Sigurisë, i kishte premtuar inspektorit të policisë rrugore, Dritan Lelajt se do ta favorizonte që të fitonte gradën nënkomisar, kundrejt 4000 eurove.
I pandehur në këtë çështje është edhe vetë Lelaj, kandidati që ka ofruar shumën e ryshfetit me qëllim për të marrë provimin për gradën.
Nën akuzë për këtë dosje është edhe Silvana Miho, e dyshuar për veprën penale “Falsifikim i dokumenteve”.
Ata kishin përdorur dokumente të falsifikuara me qëllim përfitimin e padrejtë të pikëve në kualifikimin përfundimtar të konkurrentëve.
Në funksion të hetimeve të kryera dhe të ekzekutimit të vendimeve penale të GJPKKO, u kryen kontrolle banesash, zyrash nga të cilat u sekuestruan prova materiale që dokumentojnë veprimtarinë e kundraligjshme te subjekteve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.