.png)
Gazeta Si – Ish-kapiteni i Kombëtares, Rudi Vata, njihet për qëndrimet e tij kritike dhe asnjëherë nuk heziton për ta bërë publik opinionin e tij. Por për stafin aktual të kuqezinjve shkodrani nuk ka kritika. Ai ka një vlerësim pozitiv, edhe pse ende nuk është luajtur asnjë ndeshje.
Vata ka folur për “Gazeta Blic Sport”, ku është shprehur me nota optimiste për kombinimin braziliano-argjentinas në stolin e Kombëtares.
“Silvinjo është një trajner i ri, vjen nga shkolla latino-amerikane. Është hera e parë që kemi një kombinim të tillë, me një staf trajnerësh braziliano-argjentinas. Stili agresiv i Argjentinës dhe stili teknik i Brazilit shpresoj të implementohen tek ekipi ynë.
Silvinjo ka nevojë për mbështetje, shoh që ka energji pozitive dhe ide moderne. Për të ndërtuar një skuadër solide nevojitet kohë e mjaftueshme. Shqipëria ka nevojë për një frymë të mirë të grupit, si në kohën e De Biazit. Nëse futbollistët luajnë me zemër dhe kuptojnë përgjegjësinë e fanellës, jam i bindur se do të ketë rezultate”, - ka thënë mes të tjerash ish-mbrojtësi i shquar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
