.png)
Gazeta Si - Kristiano Ronaldo duket se është i destinuar të qëndrojë te Junajtid. Trajneri Ten Hag në konferencë shtypi tha se beson ende te portugezi, që sipas ‘Mirror’, nuk ka vlerësimin e dhomës së zhveshjes.
Nga Anglia zbulohen të tjera prapaksena në lidhje me sjelljen e Ronaldos. Sezonin e kaluar ai ka kërkuar pa sukses trajnerit Rangnik të ulë në stol Meguajërin dhe të ndryshojë modul loje.
Ka ndodhur sezonin e fundit, kur Mançesteri u drejtua nga Solskjaer dhe Rangnik. Nuk është sekret që pati fërkime në dhomat e zhveshjes, por në shkurt situata degjeneroi. Pas një prej shumë sfidave zhgënjyese, një delegacion i përbërë nga Ronaldo, Pogba dhe Varane shkoi në zyrën e Rangnik për t’i shprehur gjermanit pikëpamjen e vet.
Mungonte kapiteni Meguajër. Një mungesë jo e rastësishme, pasi tre lojtarët e konsideronin atë një "problem". Ronaldo kërkoi në atë takim uljen në stol të mbrojtësit anglez për shkak të formës së dobët, pavarësisht se mbante shiritin e kapitenit.
Trajneri e priti dhe dëgjoi delegacionin, por vuri ‘veton’ mbi kërkesat e tij. Përkundrazi, kërkoi më shumë profesionalizën, pasi e quajti këtë sjellje të papërshtatshme, aq më shumë që Meguajër mungonte.
Kërkesat e Ronaldos nuk u mjaftuan me Meguajër, ai u fut edhe në çështje teknike, duke i propozuar trajnerit Rangnik si dhe me kë donte të luante në sulm, duke ‘djegur’ zgjedhjet e tij. Ronaldo propozoi të luante me Kavanin por edhe në këtë rast trajneri nuk e dëgjoi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
