Banka e Shqipërisë ka treguar se rezerva valutore e vendit është rritur me 17.3% duke e mbyllur vitin 2020 me 3.94 miliardë euro.
Mjetet më likuide ishin monedha dhe depozita të cilat arritën në vlerën 1.62 miliardë euro me një rritje prej 30% krahasuar me një vit më parë.
Mjeti me rritjen më të lartë ishte e drejta për të tërhequr fonde nga FMN-ja me vlerën e 198 milionë eurove lidhur me marrëveshjen e Fondit dhe qeverinë shqiptare për financimin e shpejtë.
Bazuar në të dhënat për tregtinë e jashtme për vitin 2020, vlera e importeve është 410 milionë euro.
Banka e përcakton rezervën valutore si të mjaftueshme lidhur me borxhin e jashtëm afatshkurtër. Rezerva duhet të mbulojë borxhin e jashtëm afatshkurtër 100% që të konsiderohet i tillë. Ky borxh është në masën 540 milionë euro dhe mbulohet rreth 7.3 herë nga rezerva.
Rezerva valutore vlerësohet nga BSH-ja si instrument shumë i rëndësishëm për stabilitetin ekonomik të vendit tonë. Marsi i kaluar e zhvlerësoi lekun me 7% për dy javë dhe Banka shiti mbi 20 milionë euro për pak ditë për stabilizimin e kursit të këmbimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
