.png)
Një tjetër vepër arti ka marr dritë në laboratorin e restaurimit në Drejtorinë Rajonale të Trashëgimisë Kulturore Berat. DRTK Berat njoftoi se pas një pune të gjatë me durim e pasion nga mjeshtrat e restaurimit ka përfunduar ndërhyrja në ikonën “Krishtikryejerak mbi Fron” me autor Gjergj Johan Çetiri.
Ikona është marrë nga kisha e Shën Thanasit në fshatin Karavasta të rrethit të Lushnjes.
Ndërhyrjet e kryera mbi ikonë konsistojnë në konsolidimin e grundit dhe pelikulit, dezinfektimin e ikonës, pastrimin e vernikut të degraduar dhe vendosjen e vernikut për mbrojtjen e pikturës.
Mbrojtja e trashëgimisë kulturore dhe shpirtërore është në fokus të punës së përditshme në laboratorin e restaurimit të veprave të artit të Drejtorisë rajonale të trashëgimisë kulturore të Beratit. (ATA)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
