.png)
Nga Gazeta 'Si'-Zonat malore në juglindje të vendit janë përfshirë nga reshjet e dëborës. Dëbora ka zbardhur disa fshatra të Voskopojës, në Dardhë, si dhe fshatra të Devollit të sipërm.
Probleme në qarkullim paraqiten vetëm në majë të Mashkullores në aksin rrugor Korçë - Panarit, aty ku dhe trashësia e borës ka shkuar deri në 20 cm.
Në akset e tjera rrugore të zonave të përfshira nga dëbora nuk raportohen probleme përsa i përket qarkullimit të mjeteve.
Dëbora ka përfshirë të gjitha zonat malore në lartësitë mbi 1000 m mbi nivelin e detit, duke sjellë uljen e ndjeshme të temperaturave, të cilat kanë shkuar deri në - 4 gradë celsius gjatë natës.
Në Dardhë dhe Voskopojë vijon puna për pastrimin e rrugës nga dëbora.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
