Shqipëria do të vijojë nën ndikimin e motit të paqëndrueshëm duke bërë që vranësirat dhe shirat të jenë prezentë ku herë pas here shirat do të paraqiten në formë shtrëngate shoqëruar me stuhi të forta ere.
Më të theksuara shirat do të jenë në zonat Veriore-Veriperëndimore të Shqipërisë. Parashikohet që orët e vona të mbrëmjes të sjellin dobësim të intensitetit të shirave në pjesën më të madhe të territorit duke lënë me reshje shiu e dëbore vetëm zonat malore Lindore.
Ndërkohë, temperaturat e ajrit do të qëndrojnë konstante gjatë mëngjesit, por mesdita sjell rënie me të paktën 2 gradë C duke luhatur vlerat ditore nga 0°C minimalja deri në 18°C maksimalja në rang vendi.
Era do të fryjë mesatarisht me shpejtësi mbi 45 km/h nga drejtimi Perëndimor dhe Jugperëndimor, duke krijuar në brigjet detare dallgëzim mbi 3 ballë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.