.png)
Si pasojë e depërtimit të një mase të ftohtë me origjinë nga Veriu i Europës drejt Ballkanit, në vendin tonë do jetë mot i paqëndrueshëm ku vranësirat dhe shirat do të jenë dominante herë pas here, edhe në formën e shtrëngatave dhe rrebesheve.
Nuk do të mungojnë gjithashtu intervale të shkurtra me kthjellime, të cilat më të theksuara do të jenë në Ultësirën Perëndimore.
Parashikohet që orët e vona të mbrëmjes të sjellin shfaqje të reshjeve të dëborës në zonat e thella malore.
Përsa i përket temperaturave të ajrit do të pësojnë rënie të ndjeshme si në orët e mëngjesit, por edhe në të mesditës duke luhatur vlerat ditore 2°C deri në 24°C.
Era do të fryjë mesatare gjatë paradites, por herë pas here e fortë në mbrëmje duke arritur shpejtësinë maksimale 65 km/h nga drejtimi veriperëndimor kjo do të bëjë, që në brigjet detare të gjenerohet dallgëzim mbi 4 ballë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
