Italia ka shënuar të premten një rekord të numrit të viktimave të regjistruara brenda 24 orëve. Të dhënat janë dramatike 969 viktima më shumë se një ditë më parë duke e çuar numrin total të tyre në 9134. Numri i personave të infektuar ka arritur 86 498 e ka regjistruar 5959 raste më shumë pozitive se një ditë më parë. Numri i personave të shëruar është 10 950, ndërsa orët e fundit janë shëruar 589 pacientë.
Në Lombardi, si zona më e goditura nga Covid-19, numri i pacientëve të infektuar ka shkuar në 37 298 e numri i viktimave 5402. Në 24 orët e fundit janë 541 viktima më shumë dhe 2509 pacientë më shumë të infektuar. Edhe në jug të Italisë numri i personave pozitiv me COVID 19 dhe i viktimave ka një rritje konstante por më të ngadaltë se në rajonet e tjera italiane. Sipas mediave italiane Molise mbetet rajoni me numrin më të ulët të personave të infektuar 109 të infektuar e 9 viktima. Numri total i tamponeve të kryera është 394 079.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.