.png)
Gazeta Si – Në Helsinki, Reali mundi 2-0 Eintrahtin e Frankfurtit në finalen e Superkupës së Europës. Hera e 5-ta që e fitojnë këtë profe për madrilenët.
David Alaba zhbllokoi shifrat pas 37 minutash lojë. Austrikau gjuajti saktë në zonë, pas një sponde të bukur të Kasemiro. Benzema dyfishoi shifrat në mesin e pjesës së dytë, duke shfrytëzuar një pasim të Vinicius nga e majta.
Me fitoren gati të sigurt, trajneri Karlo Ançeloti nisi zëvendësimet, duke hedhur në fushë Rodrigon, Kamavingën, Rudigerin, Sebajos dhe Tçouameni. Madrilenët e kanë administruar mirë avantazhin e dyfishtë dhe në fund i janë gëzuar trofeut të radhës.
Eintrahti i Frankfurtit nuk mund të bënte asgjë përballë një ekipi ekspert në Europë.
Falë fitores së sotme të Superkupës së Europës, Karlo Ançeloti çon në shtëpi trofeun e 23-të si trajner dhe regjistron rekordin e radhës. Pas titullit në 5 kampionatet më të forta dhe 4 Championsve, ai bëhet i pari që fiton 4 Superkupa Europe.
Fitimi i Superkupës i ka shërbyer edhe sulmuesit Karim Benzema për një rekrod personal. Ai shënoi golin e 324-t me Realin, duke kaluar Raul në klasifikimin e të gjitha kohërave të shënuesve të klubit spanjoll. Përpara është vetëm Kristiano Ronaldo me 450 gola.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
