.png)
Gazeta Si - Një skandal i vërtetë ka përfshirë Ekudorin, ku një raport i policisë që mban datën 15 janar 2022, me detaje të monitorimit fizik dhe përgjime telefonike të kryera ndaj disa personave të dyshuar, konstaton një lidhje mes personazheve të politikës dhe mafies shqiptare.
Nga përgjimet, u konstatuan 19 persona që kryenin takime dhe biseda telefonike, të cilët kanë pasur lidhje me bizneset e administruara nga biznesmeni shqiptar në Ekuador, Dritan Gjika.
Mes atyre që përmenden në dokument, është edhe emri i Danilo Cherrez, mik i kunatit të presidentit të Ekuadorit, Guillermo Lasso, i cili sipas policisë dhe përgjimit të telefonatave, do të zhvillonte biseda me disa prej anëtarëve të rrjetit të dyshuar.
Mediat ekuadoriane, kanë publikuar dokumente që përfshijnë rrjetin e shqiptarit në rrethin e Rubén Cherres.
Gjika është një person që shfaqet si një biznesmen dhe ekzekutiv i madh në dokumentet e korporatave, të cilat përbëjnë marrëdhënien e gjatë të biznesit që ekziston mes tij dhe Cherres. Por Gjika e shtrin marrëdhënien e tij edhe në Shqipëri me një kompani nën hetim për trafik droge.
Partneri i tij në biznes Cherres, është bërë qendra e informacioneve që arrijnë në mjedisin më të afërt të presidentit ekuadorian, Guillermo Lasso.
LEXO EDHE:
- Dëshmitë/ Policisë shqiptare i mbeti “pilafi i grekëve”, kokaina dhe porositësit u zhdukën
- Ekuadori kërkon marrëveshje me Europolin për të goditur mafien shqiptare
- Mafia shqiptare në Ekuador, kreu i ri kundër Narkotikëve: Janë të mbyllur, vështirë të zbulohen
- Raporti/ Mbi 10 vjet mafie shqiptare në Ekuador. Kokaina, klanet familjare dhe lufta për pushtet
- Si funksionon mafia e shqiptarëve në Amerikën Latine, ku arrijnë tentakulat dhe pse zbarkuan. Ekspertët: Kokainën e blejnë lirë
Ai është një mik personal i Danilo Carreas, kunati i presidentit, i cili akuzohet se ka ndikuar në emërimin dhe ndryshimet në poste të larta në kompanitë publike më të fuqishme, si ato të naftës dhe energjisë elektrike.
Media digjitale "La Posta", zbuloi regjistrime audio të bisedave mes të dyve dhe me Hernán Luque Lecaro, i cili kryesonte bordin e Kompanisë Koordinuese të Kompanive Publike (EMCO) gjatë kësaj qeverie. Cherres dhe Lecaro janë aktualisht në arrati. Nuk dihet gjithashtu nëse ka një hetim në vazhdim ndaj Gjikës.
Por Cherres dhe Gjika themeluan 13 kompani, shumica prej tyre ndërtimi dhe pasurish të paluajtshme, tetë prej të cilave u krijuan në një ditë të vetme.
Këto firma janë vëzhguar nga Mbikëqyrja e Kompanive për mosrespektim të rregulloreve kundër pastrimit të parave.
Asnjë prej tyre nuk ka paguar taksa dhe Cherres ka një pagesë maksimale prej 142 dollarësh në tatime gjatë gjithë jetës së tij. Ndryshe nga Cherres dhe ato 13 kompani, Gjika bën pagesa rekord të taksave.
Viti i tij më i madh i bumit, ishte 2021, kur pagoi 15,342,62 dollarë dhe dërgoi 3,729,38 dollarë jashtë vendit. Por një vit më vonë, financat e tij ranë: ai deklaroi 0 dollarë.
Pavarësisht se nuk pagoi taksa në vitin 2022, ai dërgoi 1,805,10 dollarë jashtë vendit. Shqiptari është një biznesmen privat: ka nxjerrë jashtë vendit më shumë para se sa ka deklaruar.
Në vitin 2020, ai pagoi 503 dollarë taksa dhe fitoi 1,367,80 dollarë. Në vitin 2018, ai deklaroi 0 dollarë dhe dërgoi 237,25 dollarë. Ai ka një dërgesë aktive të shërbimeve të ndryshme.
Shqiptari deklaron taksat në Ekuador që në vitin 2015, pra një vit pasi filloi marrëdhënia e tij e biznesit me Cherres.
Gjika ka një letërnjoftim ekuadorian që prej vitit 2013, të regjistruar në Guayaquil, ku është dhe vendbanimi i tij.
Por para se të interesohej për themelimin e kompanive të ndërtimit, Gjika u fokusua tek eksportimi i bananeve.
Një pemë banane shqiptare që lulëzon
Në vitin 2014, Gjika filloi aktivitetin e tij të biznesit. Një nga aktivitetet e tij të para në Ekuador, ishte blerja e aksioneve në “Cresmark”, një eksportues i të gjitha llojeve të produkteve bujqësore si bananet.
Në atë firmë, aksioner ishte edhe shqiptari Erjon Spahiu, i cili ia shiti Gjikës aksionet e tij në kompani më 28 janar 2022.
Një kompani tjetër e lidhur me bujqësinë, ishte “Cannmaná SAS BIC”, e cila është e përkushtuar për importimin dhe korrjen e kanabisit.
Ndodhet në kantonin La Maná, në provincën e Cotopaxi. “Cannmaná” është një shoqëri aksionare e thjeshtuar për atë që është bërë në mënyrë elektronike. Në të njëjtën mënyrë është edhe nënshkruar. Në vitin 2021, “Cannmaná” nuk pati lëvizje ekonomike.
Gjika krijoi “Cannmaná” më 17 gusht 2021, në të njëjtin vit kur themeloi tetë kompani fantazmë në një ditë me Cherres.
Por në “Cannmaná” shfaqen tre partnerë të tjerë ekuadorianë. Ata janë Fidel Gregorio A., Julio César L. dhe Bryan Alexis LP.
Ky i fundit është 18 vjeç dhe është menaxheri aktual i "Cannmaná" dhe një kompanie tjetër të quajtur “Carniproduccion”.
Nga ana tjetër, Fidel Gregorio A. është menaxher i kompanive “Cannabis Gold-Green”, “Agroindustrias Alcívar”, “Constructora Mónaco” dhe “Latin Music Entertainment Latmusic”.
Julio César L. është partner në “Cannmaná” dhe “Carniproduccion”. Por një nga kompanitë që ka më shumë lëvizje, është “Agricomtrade”.
Në vitin 2018, Gjika ka blerë aksione në atë kompani, aktiviteti i së cilës është tregtia me shumicë e bananeve.
“Impex Fruit Five Hundred Six Sociedad Anónima”, një kompani e krijuar në Kosta Rika, përfaqësuesit e së cilës janë goditur nga skandalet e Odebrecht, i shiti aksionet e saj shqiptarit në “Agricomtrade”.
Në Ekuador, Pablo HT, ish-menaxheri i “Agricomtrade”, ishte përfshirë në një proces për trafik droge, por më pas u pushua nga puna.
Ai u arrestua në shkurt 2021 së bashku me katër persona të tjerë në një kamion plot me kuti bananesh që transportonin drogë, në kantonin e Valencias, provincën Los Ríos.
Në mbrojtje të tij, Pablo HT, 27 vjeç, tha se ai ishte në një dyqan duke pritur që motori i kamionit që po drejtonte të ftohej para se të nisej.
Kjo kompani kaloi nga pagesa e taksave prej 1,83 dollarë në 2017, në 5,489,66 dollarë në vitin 2022. Viti 2017 përkon me fillimin e “Agricomtrade” në eksportet e bananeve.
Por midis viteve 2018 dhe 2022, nuk regjistron më asnjë aktivitet të këtij lloji. Në vitin 2017, kjo kompani ua shiti frutat tetë importuesve ndërkombëtarë.
Midis tyre ishte importuesi kinez “Dalian Runtong International Trade”; “Saudi Delicious Fruits Ltd”; “Brokintercom LLC” ukrainase; për “S Oil Commodities FZC” të Emirateve të Bashkuara Arabe; tek “Singular Selection The Fruit Company of Spain”; “OOOOmega” nga Rusia; dhe “Marni Fruit BV”, nga Holanda.
Nga të gjitha këto kompani spikat “Alba Exotic Fruit sh.p.k”, një kompani shqiptare importi, e cilia sillte banane ekuadoriane nga “Agricomtrade”, në portin e Durrësit (në Shqipëri) dhe Valetës (në Maltë). Por firma shqiptare është akuzuar për trafik droge me pronarin që ndhet në burg në pritje të gjykimit.
#COMUNICADO | Respecto al control jurídico iniciado por el archivo de una investigación previa por tráfico de sustancias ilícitas sujetas a fiscalización en #Manabí, relacionada con información reservada expuesta por un medio de comunicación esta mañana, #FiscalíaEc informa ⬇️ pic.twitter.com/Y5EQXftu5o
— Fiscalía Ecuador (@FiscaliaEcuador) February 13, 2023
Një firmë shqiptare me lidhje në Ekuador
Më 19 gusht 2019, katër kontejnerë nga Ekuadori mbërritën në portin e Pireut, në Greqi. Një operacion i përbashkët mes agjentëve të DEA-s dhe autoriteteve greke zbuloi 500 kilogramë kokainë të fshehura në kuti bananesh.
Por për të arritur grupet kriminale në Shqipëri, DEA vendosi të kryente një dërgesë të kontrolluar në Portin e Durrësit. Aty punëtorët e “Alba Exotic Fruit” prisnin ngarkesën, por kur e hapën, gjetën vetëm pako me oriz. Kurthi shërbeu për të kapur disa të përfshirë, por jo të gjithë.
Kjo bëri bujë në Shqipëri më 28 shtator 2019, sepse ishte një konfiskim 'rekord'. Pavarësisht këtij konstatimi, “Alba Exotic Fruit” ka vijuar punën e saj.
Eduart Dauti është arrestuar dhe para gjykatës pr msën e sigurisë ka thënë se nuk ka dijeni për dërgesat ilegale.
Dauti ka vila, bare, restorante, hotele, ambiente tregtare, parcela dhe toka në vendin e tij. Ndërsa partneri i tij, Gentian Malindi, u arrestua për drogë në vitin 2013.
Më 13 korrik 2021, në ngarkesën e kësaj kompanie në portin e Durrësit u gjetën 11.6 kilogramë kokainë dhe më 12 tetor të atij viti u shfaqën sërish në kontejnerët e saj 10 kilogramë të tjerë.
Këto ishin vetëm tre nga gjashtë rastet e drogës të sekuestruara nga ajo kompani midis 2019 dhe 2021 për një total prej 181 kilogramësh. Të gjitha këto dërgesa erdhën nga Ekuadori.
Pas zbulimit të vitit 2019, “Alba Exotic Fruit” kishte bërë 151 udhëtime me të njëjtin itinerar nga Ekuadori, që nga viti 2017.
Në një dokument të publikuar nga deputetja demokrate Jorida Tabaku, një nga këto të dhëna transporti figuron në emër të “Agricomtrade”, kompania e Gjikës.
“Është e lehtë për secilin prej nesh të llogarisë se sa kilogramë kokainë mund të jetë transportuar. Një nga kriteret e vendosura nga Bundestagu lidhet me trafikun e drogës dhe shndërrimin e Shqipërisë në bazë të drogave të forta dhe nyje të trafikut ndërkombëtar”, tha Tabaku.
Në tetor 2021, Prokuroria Shqiptare procedoi me sekuestrimin parandalues të kompanisë. “Alba Exotic Fruit” ka selinë në Kombinat të Tiranës dhe operon në treg që nga viti 2011. Të dhënat doganore tregojnë se kjo kompani ka bërë biznes me tetë kompani të tjera ekuadoriane.
Avokati i “Alba Exotic Fruit” ka kërkuar ndihmë nga autoritetet e Ambasadës së Shteteve të Bashkuara të Amerikës, në Shqipëri për të shmangur një dënim të mundshëm për pronarët e firmës shqiptare. Mbrojtësi fajësoi kompaninë e transportit.
Rasti i Arbër Çekajt
Nuk është hera e parë që kompani dhe biznesmenë shqiptarë përfshihen në trafikun e drogës për eksportimin e kutive të bananeve të mbushura me drogë nga Ekuadori.
Në vitin 2019, një hetim i përbashkët me Projektin e Raportimit të Krimit të Organizuar dhe Korrupsionit (OCCRP), zbuloi se një shqiptar, Arbër Çekaj - i përkushtuar për importimin e bananeve nga Ekuadori dhe Kolumbia - vazhdoi biznesin e tij deri në vitin 2018, pavarësisht se kishte një gjyq dhe një urdhër arresti në Ekuador që nga viti 2015.
Në atë vit ai u akuzua për transportin e kutive të bananeve me kokainë. Megjithatë, gjatë tre viteve të tjera ai bëri gati 140 dërgesa të frutave në të njëjtën rrugë.
Arber Çekaj, i akuzuari për trafik droge, u përball me gjyqin për hyrjen në ngarkesën më të madhe të drogës të gjetur deri tani në Shqipëri.
Por as Dritan Gjika nuk ka qenë i vetmi i lidhur me një kompani eksportuese bananesh. Cherres ishte gjithashtu i interesuar për “Agricolasas”, një kompani e krijuar në shtator 2021, në Guayaquil, e dedikuar për kultivimin e bananeve.
Në tetor, domethënë një muaj më vonë, Cherres bleu aksionet e Hilario Rojas, i cili ka qenë menaxher i disa kompanive të partneritetit ekuadoriano-shqiptar.
Cherres dhe djali i tij janë të vetmit ortakë në atë kompani. Ashtu si bizneset e tjera të tij, është një kompani pa lëvizje ekonomike apo pa pagesë taksash.
Raporti që flet për mafien shqiptare
Një ditë më parë, “La Posta” publikoi një raport prej 145 faqesh. Ky është një hetim i Prokurorisë, i datës 17 janar 2022.
Dokumenti është rezultat i një hetimi të mëparshëm që Njësia e Specializuar për Krimin e Organizuar Transnacional dhe Ndërkombëtar 1 (Fedoti) e Prokurorisë Provinciale Manabí, hapi më 13 maj 2021.
Ai po hetonte një krim të dyshuar të trafikut të lëndëve narkotike, hetime që kryheshin nga dy prokurorë. Por nëntë muaj më vonë, Prokuroria kërkoi pushimin e hetimeve, më 12 janar 2022.
Raporti i bërë publik, përmban fotografi që agjentët do të kishin mbledhur gjatë monitorimit të Cheres dhe bashkëpunëtorëve të tjerë të tij të dyshuar në atë krim.
Gjithçka nis me monitorimin e operacioneve të kompanisë “Osakafish”, nga Manta, dedikuar përpunimit të produkteve të peshkut dhe që sipas këtij raporti do të kishte lidhje me mafien shqiptare. Cherres shihet duke u larguar nga ajo kompani, sipas imazhit të publikuar nga “La Posta”.
Një tjetër nga takimet, do të ishte zhvilluar më 18 maj 2021, në ndërtesën “Sky”, në Guayaquil, midis Cherres dhe njerëzve të identifikuar si “HD Albanés” dhe “HD Agronomist”, pseudonime që agjentët ua kishin vënë njerëzve që vëzhgonin.
Në atë dokument, ka edhe transkriptet e përgjimeve, ku Cherres flet me Danilo Carreran, kunati i presidentit të Ekuadorit Lasso.
Në atë përgjim, del sërish Dritan Gjika, i cili gjendet si drejtuesi i dyshuar i asaj organizate kriminale, ku bën pjesë edhe Çerres. Policia e quajti biznesmenin ekuadorian, si “HD oil”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
