Agjencitë amerikane të inteligjencës nuk kanë gjetur të dhëna direkte që koronavirusi ka dalë prej një laboratori, është thënë në një raport të deklasifikuar.
Zyra e Drejtorit për Inteligjencë Kombëtare ka thënë se, si origjina natyrore, ashtu edhe ajo laboratorike, janë skenarë të mundshëm lidhur me këtë virus.
Sipas këtij institucioni, shumica e agjencive të inteligjencës pajtohen që virusi nuk është krijuar në kushte laboratorike.
Origjina e këtij virusi, e shpallur pandemi më 2020, ka qenë çështje e ndjeshme diskutimi në Shtetet e Bashkuara.
Teoria e daljes së virusit nga një laborator është hedhur poshtë nga Kina – ku është identifikuar ai për herë të parë.
Megjithatë, në raport është thënë se të gjitha agjencitë amerikane të inteligjencës pajtohen që koronavirusi nuk është krijuar si armë biologjike.
Një hetim i kryer nga Kina dhe Organizata Botërore e Shëndetësisë më 2021, ka gjetur se teoria e daljes së virusit nga laboratori “është shumë pak e mundshme”.
OBSH-ja është kritikuar ashpër për gjetjet e atij raporti dhe shumë ekspertë patën thënë se ato kanë nxitur më shumë pyetje, sesa që kanë ofruar përgjigje.
Disa ekspertë besojnë se origjina e vërtetë e koronavirusit – i cili ka vrarë rreth shtatë miliona persona në gjithë botën – mund të mos dihet kurrë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.