.png)
Emri i Harlem Desir, Komisionerit për Lirinë e Medias në OSBE nuk mori mbështetjen e vendeve anëtare të kësaj organizate për të vazhduar me një tjetër mandat në këtë detyrë.
Me bllokimin e kandidaturës së Desir Presidenca shqiptare e OSBE-së është vënë në lëvizje për të gjetur pasuesin e tij dhe mes emrave që qarkullojnë duket se është edhe ai i Ditmir Bushatit.
Top Channel citon burime nga OSBE në Vjenë, sipas të cilave Kryeministri Edi Rama ka propozuar që Komisioneri i Lirisë së Medias, Harlem Desir të zëvendësohet nga Ditmir Bushati.
Nuk dihet ende nëse Bushati do ta pranojë këtë propozim të Ramës, që me gjasë do ta hiqte nga lista e kandidatëve për deputetë në zgjedhjet e 25 prillit.
Bushati kundërshtoi në Parlament ligjin për antishpifjen dhe ishte ndër të parët që kërkoi çuarjen e tij në Komisionin e Venecias.
Ndërkohë, Bushati nuk u emërua as drejtues politik në qarqe i PS, që ka nisur përgatitjet për zgjedhjet e vitit të ardhshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
