.png)
Kryeministri Edi Rama është takuar mbrëmjen e djeshme me homologun e tij grek, Kyriakos Mitsotakis.
Ka qenë vetë kreu i qeverisë, i cili ka shpërndarë në rrjetet sociale pamjet nga darka që pati me kryeministrin e Greqisë. Rama shkruan se u prit përzemërsisht nga homologu i tij.
“Marrëdhëniet e shkëlqyera mes dy popujve janë busulla jonë drejt shkëlqimit të marrëdhënieve mes dy vendeve”, shkruan Rama.
Edhe në mediat helene u bënë publike pamjet nga darka e dy liderëve. Ndër të tjera, Rama dhe Mitsotakis shfaqen sëbashku duke përplasur bërrylat, ndërsa ishin pajisur me maska.
Më herët është raportuar se në fokus të takimit do të jenë marrëdhëniet mes dy vendeve si dhe çështja e detit, një temë që ka shkaktuar diskutime të shumta gjatë javëve të fundit.
Pak kohë më parë, Mitsotakis deklaroi në Parlament se Greqia do të zgjerohet me 12 milje në Detin Jon, dhe për këtë do të nisë bisedimet me palën shqiptare.
Nga ana tjetër, Kryeministri Rama ka përsëritur disa herë se nuk ka asnjë marrëveshje me Greqinë dhe se bisedimet për këtë çështje mbetën pezull që në kohën e Qeverisë Tsipras kur dhe u ndërrua pushteti.
Kryeministri Rama ndodhet në Athinë pasi po merr pjesë në një forum të organizuar nga “The Economist”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
