.png)
Kreu i qeverisë, Edi Rama, ka reaguar për gjestin e stafit mjekësor në Lezhë që refuzoi shpërblimin 5 mijë lekë, pasi pretendonin se duhet të merrnin 1 mijë euro.
Nëpërmjet një postimi në Twitter, Rama shprehet se pagesë mbi pagën do të marrin vetëm ata që janë në vijën e zjarrit dhe jo ata që janë brenda detyrës në territorin e tyre.
“Unë e kam thënë shqip që do të paguajmë 1000€ mbi pagën për mjekët e infermierët në Vijën e Zjarrit! Kush ka ngatërruar vijën e zjarrit në spitalet Covid e në autoambulanca, me detyrën e bluzës së bardhë në territor, duhet të kthjellohet e të mos turpërojë bluzën e bardhë!”, shkruan kreu i qeverisë.
Po ashtu kryeministri e konsideron këtë si një nxitje nga jashtë për kërkesa shpërblimi dhe i bën thirrje mjekëve dhe infermierëve mos bëhen masha politike duke cenuar misionin e shenjtë.
“Kush i nxit nga jashtë kërkesat për shpërblime pa asnjë sens bën politikën e mbrapshtë që ka bërë gjithnjë dhe do ndëshkohet nga populli, kush nga brenda bëhet mashë politike cënon misionin e shenjtë e moralin e bluzave të bardha në këtë luftë dhe nuk do të justifikohet në vijim!”, thotë kryeministri Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
