.png)
Nga Gazeta ‘Si’- Kryeministri Edi Rama e ka cilësuar Bashkimin Europian si një “bekim” për Shqipërinë, duke theksuar rolin e tij vendimtar në forcimin e institucioneve shtetërore dhe në procesin e transformimit të vendit gjatë dekadave të fundit.
Deklaratat janë bërë në një intervistë me ANSA-n gjatë një bashkëbisedimi në Berlin me Fabrizio Bucci, i cili më parë ka shërbyer si ambasador i Italisë në Shqipëri.
“Bashkimi Europian është një bekim për ne. Procesi i tij është i ndërlikuar, ndoshta më neurotiku, por funksionon,” u shpreh ai.
Ai ka theksuar gjithashtu se ky proces mbetet ende në zhvillim dhe kërkon angazhim të vazhdueshëm nga të gjitha palët.
Rama vëren gjithashtu se si Bashkimi Eropian ka “ndryshuar qëndrimin e tij themelor” që nga pushtimi i Ukrainës nga Putini:
“Më parë, ata thanë fjalët e duhura, por veprimet nuk pasuan. Kur erdhi pushtimi, ata kuptuan se të gjitha palët jashtë bllokut mund të humbisnin.”
Megjithatë, Rama bëri thirrje për një ndryshim të mëtejshëm të ritmit: metoda europiane mbetet shumë e ngadaltë, shumë e mbushur me pengesa.
“Ne duhet të bëjmë atë që duhet të bëjmë. Dhe ne do të ecim përpara sepse kështu përmirësohemi”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje