Qindra ushtarë britanikë dhe rumunë mbërrijnë në Kosovë, shtohen forcat në kufirin me Serbinë

18:25 - 19 Tetor 2023

Gazeta Si – KFOR-i ka njoftuar sot për mbërritjen e trupave shtesë nga Britania e Madhe dhe Rumania në Kosovë, pas sulmit të 24 shatorit.

Sipas KFOR-it, vendimi për trupa shtesë erdhi nga Komandanti Suprem i Aleatëve të NATO-s në Europë dhe u miratua nga Aleatët në Këshillin e Atlantikut të Veriut. Një vendim i marrë për të siguruar që KFOR-i të ketë forcat e nevojshme për të përmbushur mandatin e tij për ruajtjen e një mjedisi të sigurt.

“Një kontigjent prej dyqind ushtarësh britanikë nga Batalioni i Parë i Regjimentit Mbretëror të Princeshës së Uellsit dhe më shumë se 130 trupa shtesë nga Rumania mbërriti në Kosovë dhe iu bashkua kontingjentit të MB-së prej 400 trupash të vendosur tashmë, për të përforcuar misionin paqeruajtës të NATO-s në Kosovë (KFOR).

Dislokimi vjen pas sulmit të dhunshëm ndaj Policisë së Kosovës më 24 shtator dhe rritjes së tensioneve në rajon për të përmirësuar praninë e KFOR-it në veri të Kosovës dhe patrullimin përgjatë vijës kufitare administrative.

Ai bazohet në një kërkesë të Komandantit Suprem të Aleatëve të NATO-s në Europë dhe u miratua nga Aleatët në Këshillin e Atlantikut të Veriut si një hap i kujdesshëm për të siguruar që KFOR-i të ketë forcat që i nevojiten për të përmbushur mandatin e tij të OKB-së për të ruajtur një mjedis të sigurt dhe lirinë e lëvizjes për të gjithë njerëzit në Kosovë.

NATO ka udhëhequr një operacion paqeruajtës në Kosovë që nga viti 1999 në përputhje me mandatin e saj sipas Rezolutës 1244 të Këshillit të Sigurimit të Kombeve të Bashkuara. KFOR-i aktualisht përbëhet nga mbi 4500 trupa të kontribuar nga 27 aleatë dhe partnerë të NATO-s“, - shkruhet në njoftimin e KFOR-it.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.