Qeveritë e Shqipërisë dhe Kosovës, të premte mblidhen në Shkodër

13:29 - 21 Shtator 2020

Qeveria Shqiptare dhe ajo e Kosovës do të mbajnë një mbledhje të përbashkët të premten në qytetin e Shkodrës.

Lajmi u bë i ditur nga zëvëndëskryeministrja Albulena Balaj-Halimaj, e cila do të jetë koordinatore për këtë takim.

Më tej ajo shtoi se draft-marrëveshjet kanë përfunduar.

“I kërkoj mirëkuptim ministrave tonë nëse ndonjë draft-marrëveshje nuk do të kalojë për marrëveshje atje. Për shkak të shkak të procedurave ligjore që i ka pala Shqipëtare, por një finalizim do të bëhet nesër”, shtoi zëvëndëskryeministrja

Krahas këtyre qeveria në mbledhjen e sotme miratoi edhe disa projekt-rregullore, në mesin e të cilave edhe ajo për riintegrimin e personave të riatdhesuar.

Kjo është mbledhja e parë e qeverive "Rama" dhe "Hoti", ndërsa me kryeministrin e mëparshëm të Kosovës, Kurti, mbledhja nuk u realizua.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.