Gazeta Si – Për finalen e sotme të Kupës së Botës mes Argjentinës dhe Francës janë marrë masa të shtuara sigurie, por jo vetëm në Katar, ku luhet ndeshja. Masa të forta sigurie janë marrë edhe nga qeveria franceze.
Sipas shtypit francez, është vendosur që të mobilizohen 14.000 agjentë policie për çështjen e sigurisë, në mënyrë që të evitohen problemet e rendit publik gjatë ndeshjes, apo edhe gjatë festimeve të mundshme në rast fitoreje.
Më parë në Francë ka pasur probleme me sigurinë ditën e ndeshjes me Marokun. Pas përplasjeve mes dy tifozërive në qytete të ndryshme franceze, një 14-vjeçar humbi jetën, pasi u shtyp nga një makinë.
Për t’i paraprirë çdo situate të rrezikshme, autoritetet franceze kanë angazhuar sot një numër të lartë policësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.