Gazeta Si - Roman Abramoviç është sanksionuar nga qeveria angleze, që ka bllokuar të gjitha asetet e tij, duke përfshirë edhe Çelsin. Klubit londinez për momentin i është dhënë një licencë speciale për të vazhduar aktivitetin sportiv, por masat e fundit nuk lejojnë shitjen e Çelsit nga ana e manjatit rus.
Trajneri Tomas Tuhel dhe skuadra gjenden kështu në një situatë të pazakontë në momentin kyç të sezonit.
Sanksionet i ndalojnë Çelsit të bëjë merkato në verë, të rinovojë kontratat në skedencë, si dhe të shesë bileta e të bëjë marketing. Një problem serioz ky për klubin, që në verë do të humbasë me parametra zero lojtarë si, Antonio Rudiger, Andreas Kristensen dhe Sezar Azpilikueta.
Në dokumentin zyrtar të lëshuar nga qeveria angleze ka një paragraf, që e përkufizon Abramoviçin "të lidhur me një person që është përfshirë në destabilizimin e Ukrainës. Me Vladimir Putinin Abramoviç ka pasur raporte të afërta për shumë vite. Kjo lidhje interesash e ka lejuar të përfitojë financiarisht dhe materialisht nga Putini dhe qeveria e Rusisë".
Londra ka njoftuar zyrtarisht se ka bllokuar të gjitha asetet e shtatë biznesmenëve rusë, mes të cilëve janë Roman Abramoviç, Igor Sekin, Oleg Deripaska dhe Dmitri Lebedev, të cilët bënin pjesë në listën e sanksioneve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.