.png)
Nëse mendoni se qentë kuptojnë dhe zbatojnë urdhrat tuaj për t'u ulur, hedhur apo vrapuar se i keni mësuar apo trajnuar ju, e keni gabim. Një studim i fundit ka zbuluar se edhe qentë endacakë gjithashtu mund të zbatojnë urdhrat e dhëna nga njerëzit, pasi të gjithë qentë lindin me aftësinë për të kuptuar njerëzit.
Sipas këtij studimi, asgjë nuk e ndalon mikun më të mirë të njeriut të kuptojë gjestet e thjeshta
Shkencëtarët studiuan qentë endacakë në Indi dhe zbuluan se të gjithë qentë kanë një aftësi të lindur për të kuptuar gjeste të caktuara njerëzore që nuk kanë nevojë trajnimin.
Ata studiuan qentë endacakë nëpër disa qytete indiane, duke i ofruar dy pjata të mbuluara me ushqim dhe duke i treguar me gisht vetëm njërën prej tyre. Rreth gjysma e qenve nuk iu afruan pjatave dhe studiuesit besojnë se këta qen ishin në ankth dhe mund të kenë pasur përvoja të këqija me njerëzit në të kaluarën.
Por, nga qentë që iu afruan pjatave, rreth 80 për qind e ndoqën saktë urdhrin, duke ngrënë nga pjata që iu tregua me gisht nga njeriu. Rezultatet sugjerojnë që qentë mund t’i kuptojnë gjestet komplekse thjesht duke shikuar njerëzit.
Studiuesit shpresojnë se kjo mund të ndihmojë në uljen e konfliktit në të gjithë botën midis qenve endacakë dhe njerëzve.
Qente janë shfaqur rreth 10,000-15,000 vjet më parë, duke i bërë ata kafshët më të vjetra shtëpiake në planet.
Dr Anindita Bhadra nga Instituti Indian i Shkencës dhe Edukimit në Nju Dehli, thotë se rëndësia e këtij studimi është e jashtëzakonshme.
"Ne menduam se ishte e mahnitshme që qentë mund të ndiqnin një gjest aq abstrakt," shpjegoi Dr Bhadra. “Kjo do të thotë që ata vëzhgojnë nga afër njeriun, të cilin po e takojnë për herë të parë. Kjo tregon inteligjencën dhe adaptueshmërinë e tyre”, thotë ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
