Tymi në trafik mund të jetë katastrofik për trurin.
Një ekip në Universitetin e Kolumbisë thotë se skanimet e trurit treguan rritje të dëmtimeve në funksionin e trurit pas ekspozimit ndaj ndotjes së trafikut dhe shenjat mund të fillojnë të shfaqen në vetëm dy orë në trafik.
Sipas autorëve të studimit, ky është eksperimenti i parë që tregon prova se si ndikon ndotja në trafik tek truri i njeriut.
"Për shumë dekada, shkencëtarët mendonin se truri mund të mbrohet nga efektet e dëmshme të ndotjes së ajrit", thotë Chris Carlsten, profesor dhe kreu i kërkimit.
"Ky studim, i cili është i pari i këtij lloji në botë, ofron prova të reja që mbështesin një lidhje midis ndotjes së ajrit dhe trurit".
Ekipi ekspozoi shkurtimisht 25 të rritur të shëndetshëm ose ndaj ndotjes ose ajrit të filtruar në një laborator. Ata përdorën imazhe funksionale të rezonancës magnetike (fMRI) për të matur aktivitetin e trurit të tyre para dhe pas çdo ekspozimi. Një nga fushat që ata shikuan për ndryshime të mundshme është rrjeti i modalitetit të paracaktuar të trurit (DMN). DMN përfshin disa rajone të trurit të lidhura së bashku që luajnë një rol në mendimet dhe kujtimet e brendshme të njerëzve. Skanimet fMRI treguan se njerëzit e ekspozuar ndaj shkarkimit të naftës kanë aktivitet më të ulët DMN në krahasim me grupin tjetër.
"Ndërsa nevojiten më shumë kërkime për të kuptuar plotësisht ndikimet funksionale të këtyre ndryshimeve, është e mundur që ato mund të dëmtojnë të menduarit ose aftësinë e njerëzve për të punuar".
Lajmi i mirë është se efektet neurologjike nga shkarkimi i naftës ishin të përkohshme. Çdo person i ekspozuar ndaj ndotjes së ajrit iu kthye aktiviteti i trurit në normalitet më vonë. Megjithatë, autorët e studimit spekulojnë se ekspozimi afatgjatë, si ulja në trafik çdo ditë, mund të shkaktojë dëme të përhershme.
“Është e rëndësishme që njerëzit të mbyllin xhamat kur janë në trafik, sidomos kur e dinë se do të qëndrojnë aty për një kohë të gjatë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.