.png)
Megjithë deklaratatat e autoriteteve në vend se të gjitha akset kombëtare janë të kalueshme, ka rrugë aktualisht që janë një rrezik real për qarkullimin me automjete. Gazeta “Si” ka siguruar foto e video të aksit Krujë-Qafë Shtamë, i cili në kushte normale është një segment shumë i rrahur nga automjetet, por që sot është i bllokuar. Aksi është nën varësinë e Bashkisë së Krujës, por siç duket edhe nga pamjet, akulli dhe ngrica në të e bëjnë të pamundur qarkullimin, pasi askush nuk ka ndërhyrë për të hedhur rërë apo kripë.
Meteorologët paralajmërojnë se më problematike do të jenë dita e hënë dhe e marta, ku temperaturat pritet të shkojnë deri në -17 gradë. Por e gjendur në këto kushte, kjo rrugë, por edhe rrugë të tjera ndërlidhëse mes qyteteve apo fshatrave të vendit, paraqesin një rrezik për dikë që është i detyruar të qarkullojë në to për arsye pune apo raste urgjence.
Siç shihet edhe nga këto foto e video, e gjithë rruga Krujë-Qafë Shtamë është e ngrirë nga akulli dhe në të duken qartë edhe shenjat e gomave që kanë lënë automjetet që kanë rrëshqitur, në përpjekje për të lëvizur mbi këtë rrugë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
