.png)
Pandemia e koronavirusit duket se ka berë si rrallëherë bashkë dy kundërshtarë të vjetër: Rusinë dhe SHBA-në.
Rusia ka dërguar në SHBA një aeroplan mallrash me maska dhe pajisje mjekësore pasi Donald Trump pranoi ofertën e presidentit Vladimir Putin për ndihma humanitare nga për të luftuar shpërthimin e koronavirusit.
Avioni ushtarak rus "Antonov An-124-100”, u nis nga Moska mbrëmjen e së martës dhe do të arrijë në SHBA gjatë ditës së sotme. Pamjet nga aeroplani të transmetuara nga televizioni shtetëror rus treguan mijëra kuti kartoni me ndihma.
Ulja e tij ka të ngjarë të shkaktojë polemika midis kritikëve të Trump, të cilët kanë thënë që Putin do ta përdorë gjestin e vullnetit të mirë për t'i shpëtuar sanksioneve për ndërhyrjen në zgjedhjet presidenciale amerikane të vitit 2016.
Rusia ka dëri më tani 2,777 raste të konfirmuara. Kryetari i Bashkisë së Moskës, Sergei Sobyanin, paralajmëroi Putin javën e kaluar se qeveria po nënvlerësonte ashpërsinë e shpërthimit.
SHBA ndërkohë ka më shumë se 188,000 raste të konfirmuara me koronavirus dhe më shumë se 3.900 viktima.
“Rusia na dërgoi një avion me pajisje mjekësore, ishte një gjest shumë i bukur”, deklaroi Trump.
Më vonë, Kremlini njoftoi se Putin i kishte ofruar Trump ndihmë gjatë një bisede telefonike, ku të dy palët diskutuan masat për të luftuar koronavirusin.
"Trump e pranoi me mirënjohje këtë ndihmë humanitare," u tha zëdhënësi i Putinit Dmitri Peskov gazetarëve. "Tani që kjo situatë ka prekur të gjithë pa përjashtim dhe është globale, nuk ka asnjë alternative përveçse veprimit të përbashkët në frymën e partneritetit dhe ndihmës së ndërsjellë."
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
