Gazeta Si - PSG po i provon të gjitha mënyrat për të mbajtur në skuadër yllin e saj, Kilian Mbape, i cili deri tani nuk ka pranuar të rinovojë, duke lënë të kuptohet se do të transferohet te Real Madrid në verë.
Lëvizja e fundit e klubit francez për ta bindur sulmuesin të qëndrojë është gradimi i tij kapiten i skuadrës. Në ndeshjen ndaj Klermont mungon kapiteni Markuinjos dhe shiriti duhet të kalojë në krahun e Mbape. Një strategji kjo për të favorizuar rinovimin e njërit prej sulmuesve më të mirë në botë për të qëndruar në Paris.
Megjithatë, pak gjasa ka që Mbape të ndërrojë mendje. Në Spanjë janë të bindur se Reali do ta prezantojë atë si lojtarin e tij të ri në muajin maj. Presidenti Perez është i vendosur për afrimin e këtij futbollisti, po ashtu edhe vetë Mbape ka dëshirë të veshë fanellën e bardhë të madrilenëve, ndaj dhe e ka refuzuar disa herë ofertën e rinovimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.