.png)
Brenda Stadiumit Olimpik nuk u lejuan tifozë gjatë ceremonisë së hapjes së Lojërave Olimpike por kjo nuk i ndaloi qindra njerëz që të mblidheshin jashtë portave të stadiumit.
Midis turmës së njerëzve që donin të ishin sa më afër hapjes së Lojërave Olimpike, kishte dhe një protestë anti-olimpike.
Protestuesit me mikrofona kënduan gjatë orës së parë të ceremonisë së hapjes. Protesta u bë si një kujtesë e kundërshtimit të publikut ndaj Olimpiadës së Tokios në mes të Covid-19.
Sondazhet publike në Japoni kanë treguar prej kohësh se shumica e qytetarëve do të preferonin që Lojërat të anuloheshin ose të shtyheshin për herë të dytë mes përhapjes së vazhdueshme të Covid-19. Në një sondazh të kryer nga Kyodo News fundjavën e kaluar, 87% e të anketuarve shprehën shqetësim rreth pritjes së Lojërave Olimpike gjatë një pandemie, ndërsa 31.2% thanë se besonin se Lojërat duhet të anuloheshin.
Situata është bërë aq e rëndë politikisht saqë edhe disa nga sponsorët më të mëdhenj japonezë të Lojërave janë distancuar nga ngjarja, duke përfshirë Toyota, e cila nuk pranoi të shfaqte një reklamë TV gjatë transmetimit televiziv në vend.
Që nga mëngjesi i së Premtes, 110 persona të lidhur me Olimpiadën kanë rezultuar pozitiv për Covid-19. Organizatorët kanë thënë se ata prisnin të shihnin disa raste pozitive dhe ata besojnë se Lojërat do të mbahen në një mënyrë të sigurt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
