.png)
Federata Polake e Futbollit ka bërë me dije se nuk do ta luajë takimin e 24 marist në Moskë, pas sulmit të Rusisë ndaj Ukrainës.
"Mjaft me fjalë, është koha të reagojmë!”. Kështu Polonia ka njoftuar se nuk do ta luajë ndeshjen e ‘play-off’-it për kualifikueset e Botërorit të Katarit kundër Rusisë, e programuar për më 24 mars në Moskë. Federata polake ka vendosur të protestojë në mënyrë konkrete pas futjes së trupave ruse në Ukrainë, duke vënë në rrezik kualifikimin e saj për në Botëror.
Presidenti i federatës, Cezary Kulesza, në Tuiter ka shkruar: “Ky është i vetmi vendim korrekt". Polonia, që më parë u angazhua për të përfshirë edhe vende të tjera në bojkotimin sportiv të Rusisë, po bashkëpunon me federatat suedeze dhe çeke për të paraqitur një qëndrim të përbashkët në FIFA.
It is the right decision! I can’t imagine playing a match with the Russian National Team in a situation when armed aggression in Ukraine continues. Russian footballers and fans are not responsible for this, but we can’t pretend that nothing is happening. https://t.co/rfnfbXzdjF
— Robert Lewandowski (@lewy_official) February 26, 2022
Vendimi ka gjetur mbështetjen e yllit të skuadrës polake, Robert Levandovski, kapiten dhe lider i saj. "Është vendimi i duhur. Nuk arrij ta imagjinoj të luaj një ndeshje ndaj Rusisë, ndërkohë që agresioni i armatosur në Ukrainë vazhdon. Lojtarët dhe tifozët rusë nuk kanë faj për këtë, por nuk mund të bëjmë sikur asgjë nuk ka ndodhur", - ka shkruar sulmuesi i Bajernit në Tuiter.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
