Plastika në laptopë, sedilje për fëmijë dhe telefona mund të kalojë lehtësisht përmes lëkurës së njeriut edhe në gjak

Plastika e përdorur për të bërë mobilje, pajisje elektronike përmban kimikate toksike që shkencëtarët kanë zbuluar se mund të absorbohen lehtësisht në lëkurën e njeriut.

Kimikatet toksike të përdorura për të bërë laptopët, sediljet për fëmijë dhe telefonat inteligjentë më të papërshkueshëm nga flakët, mund të kalojnë lehtësisht përmes lëkurës së njeriut dhe të rrjedhin në gjak, kanë treguar për herë të parë shkencëtarët në Universitetin e Birminghamit.

Këto substanca, të cilat përdoren në një sërë sendesh shtëpiake, madje edhe në tavolinat e ndërrimit të foshnjave mund të ndërhyjnë në funksionin e tiroides, zhvillimin kognitiv, aftësitë motorike dhe funksionin e vezoreve, së bashku me rritjen e rrezikut të kancerit.

Studiuesit tashmë e dinin se mund të hynin në trup përmes ushqimit dhe ujit, por kjo është hera e parë që ata kanë treguar se kimikatet mund të depërtojnë në lëkurë.

Disa nga kimikatet toksike janë ndaluar nga Britania e Madhe, Bashkimi Europian dhe 13 shtete amerikane.

I prezantuar në vitet 1970, grupi i kimikateve të quajtur PBDEs, supozohej t'i bënte njerëzit më të sigurt, por ato erdhën me pasoja të padëshiruara.

“Mikroplastika është kudo në mjedis dhe megjithatë ne ende dimë relativisht pak për problemet shëndetësore që mund të shkaktojnë”, tha autori i studimit Dr Ovokeroye Abafe, i cili kreu studimin në Universitetin e Birminghamit.

Një pjesë e arsyes pse shkencëtarët ende nuk i kuptojnë plotësisht pasojat shëndetësore të mikroplastikës është se ekzistojnë dhjetëra lloje të ndryshme të plastikës, të cilat mund të përmbajnë mijëra kimikate të ndryshme.

Por është e qartë se PBDE-të janë të dëmshme për shëndetin e njeriut.

Në fakt, shumica e shqetësimeve rreth PBDE-ve u ngritën në fillim të viteve 2000, kur një studim tregoi se qumështi i gjirit të grave përmbante disa nga substancat e dëmshme.

Por vetëm vitin e kaluar, një eksperiment i ngjashëm tregoi se, nga 50 mostra të qumështit të gjirit të grave në të njëjtin rajon, secila prej tyre përmbante PBDE.

Një studim i vitit 2018 gjeti kimikate tek peshqit në SHBA dhe Britani.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.