.png)
Gazeta Si - Një 34-vjeçar shqiptar në Greqi është plagosur me armë zjarri nga persona të paidentifikuar. Ngjarja ka ndodhur në Athinë rreth orës 04:00 të mëngjesit të kësaj të premteje në zonën e Votanikos.
Pasi është plagosur, policia i ka dhënë ndihmën e parë në pritje të ambulancës që e transportoi në spital.
Sipas mediave greke, ndihma e shpejtë e dhënë nga forcat e policisë ka qenë vendimtare për shpëtimin e jetës së 34-vjeçarit.
Sipas autoriteteve greke, autorët kanë qenë duke lëvizur me makinë kur qëlluan 3 herë me pistoletë në drejtim të 34-vjeçarit shqiptar.
Në vendngjarje u gjetën 3 gëzhoja 9 milimetërshe. 34-vjeçari ndodhet në spital ku po merr ndihmë mjekësore.
Shqiptari i plagosur ka qenë i arrestuar në vitin 2019 për një çështje droge, por autoritetet greke nuk kanë raste të përfshirjes së tij në aktivitete të tjera të paligjshme përveç rastit të 4 viteve më parë.
Hetuesit po analizojnë kamerat e sigurisë në zonë si dhe do të marrin dëshminë në spital të 34-vjeçarit shqiptar pasi gjendja e tij të jetë stabilizuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
