Këto ditë pritet që të jenë shumë vendimtare për Milanin. Skuadra kuqezi mund të ndryshojë tërësisht repartin e sulmit gjatë kësaj merkatoje. Gonzalo Higuain është pothuajse i larguar dhe në vend të tij projektohet afrimi i Kristof Piatek.
Dyshimet e para për largimin e sulmuesit argjentinas morën më shumë nxitje edhe gjatë finales së Superkupës së Italisë. Higuain mungoi në foton zyrtare të Milan me princin saudit dhe nuk u fut që nga minuta e parë. Argjentinasi nuk foli për mediet gjatë rikthimit në Milano, por sipas medieve në Itali largimi i tij nga “djalli” është thuajse i sigurt. Higuain pritet që brenda këtyre dy ditëve të udhëtojë drejt Londrës për t’iu bashkuar edhe një herë ish-trajnerit të tij, Mauricio Sarri te Çelësi.
Por te Milan nuk duket se janë shumë të trishtuar për largimin e Hiuguan që në verë erdhi me bujë të madhe. Drejtuesit kuqezinj janë drejt mbylljes së marrëveshjes me sulmuesin polak të Xhenoas, Kristof Piatek. Ky i fundit ka shpërthyer në gola fazën e parë të kampionatit, duke qenë rivali i vetëm i Kristiano Ronaldos. Mediet italiane shkruajnë se Gazidis dhe Leonardo do të zhvillojnë një takim me presidentin e Xhenovës, Preciozi për ta mbyllur marrëveshjen që do e kalonte polakun në “San Siro” për pjesën e mbetur të sezonit.
Por Milan nuk shikon vetëm përfitim nga ajo që mund të marrë në fushën e lojës nga kjo lëvizje. Piatek është shumë më i leverdishëm për Milanin edhe në planin financiar. Në krahasim me 8 milionë eurot që Higuain përfiton tek Milan aktualisht, 1.8 milionë eurot që kërkon Piatek duken një shifër shumë modeste.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.