Nga Gazeta 'Si'-Drejtori i Zyrës për Kosovën, Petar Petkoviç ka thënë se vazhdimi i procesit të normalizimit të marrëdhënieve ndërmjet Beogradit dhe Prishtinës varet ekskluzivisht nga kryeministri i institucioneve të përkohshme të Prishtinës, Albin Kurti, i cili prej muajsh, sipas tij, me veprimet politike ashtu edhe me dhunën e terrorin në terren, ka bllokuar zbatimin e marrëveshjeve të mëparshme.
Sipas Petkoviçit, Kurti insiston se po bën të kundërtën e normalizimit, ndaj çdo ditë kërkon të përshkallëzojë situatën politike dhe të sigurisë në terren.
“Rrjedha dhe rezultatet e dialogut Beograd-Prishtinë janë të përcaktuara në radhë të parë nga formimi i Unionit të Komunave Serbe në mënyrën e dakorduar në Bruksel, për të cilin serbët nga Kosova dhe Metohia kanë pritur më shumë se 10 vjet, por Kurti shtiret si i paaftë dhe përpiqet në çdo mënyrë që të mos i përmendë as këto detyrime, prandaj Beogradi do t’ia kujtojë gjithmonë këtë dhe do të insistojë në formimin e Asociacionit të komunave me shumicë serbe, sepse vetëm kështu serbët do të mund t’i realizojnë të drejtat e tyre kolektive në këto zona”, tha Petkoviç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.