Gazeta Si – Më 19 gusht 2017, për herë të parë në Serinë A u aplikua sistemi VAR. Kanë kaluar 5 vjet dhe është kohë e mjaftueshme për bilance. Një syrin e një specialisti si Kolina, tashmë futbolli është më i drejtë.
Për herë të parë më 19 gusht 2017 u akordua një penallti me ndihmën e sietmit VAR. Luhej Juventus-Kaljari dhe arbitri Mareska dha penallti pas një kontakti mes Aleks Sandro dhe Cop.
Pierluixhi Kolina, ish-arbitër i njohur italian dhe aktualisht drejtues i ‘Fifa Referees Committee’, ka komentuar për ‘La Gazzetta dello Sport’ impaktin e teknologjisë në futboll:
"VAR-i ka kontribuuar për ta bërë futbollin më të drejtë. Natyrisht, në një lojë ku shumë gjëra varen nga interpretimi, polemikat mbeten. Por nuk ka më gabime në gjykimin e atyre episodeve, ku interpretimi është unanim".
Kolina ka vlerësim për ndikimin e VAR-it dhe beson se gjithçka do të përmirësohet edhe më shumë me kalimin e kohës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.