.png)
Gazeta Si – Degradon sërish situata në Kuvendin e Kosovës. Sërish përplasje dhe tension, madje edhe goditje me shishe nga deputetja e AAK-së, Albana Bytyqi.
Maxhoranca dhe opozita kanë pasur përplasje së fundi për vazhdimin ose jo të seancës. Deputetët e opozitës insistuan për ndërprerjen e seancës, duke bllokuar përsëri foltoren e Kuvendit të Kosovës.
Kryetari i Kuvendit, Glauk Konjufca, vendosi për vazhdimin e seancës së jashtëzakonshme të thirrur nga 41 deputetë të maxhorancës, për shqyrtimin e projektligjit për produktet medicinale.
Deputeti i PDK-së, Ilmi Reçica, ndërpreu fjalën e deputetit të LVV-së, Adnan Rrustemi. Deputetët e PDK-së ndërkohë mbanin dy pankarta me fytyrat e kryeministrit Albin Kurti dhe shefes së grupit Parlamentar të LVV-së, Mimoza Kusari-Lila, me mbishkrimet “Zdravo” që në serbisht do të thotë “Përshëndetje”.
Mes tensionit deputetët e maxhorancës miratuan projektligjin për produktet medicinale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
