Zvicra ka marrë një fitore të madhe në sfidën e tretë të grupit ndaj Serbisë me rezultatin 3-2.
Ka qenë një ndeshje me shumë emocione, por që u fitua nga Zvicra falë kontributit të madh të shqiptarëve në fushë, Xherdan Shaqirit me gol dhe Granit Xhakës me një ndeshje të jashtëzakonshme.
Pas ndeshjes ka pasur festë në madhe në Zvicër, me tifozët zviceranë e shqiptarë që kishin pushtuar rrugët e qyteteve duke festuar fitoren e arritur dhe kalimin në 1/8 e finales.
Por gjatë festës nuk kanë munguar edhe incidentet pasi janë përballur shqiptarët me serbët në rrugët e qyteteve zvicerane.
Në këtë video që qarkullon në internet shihen provokime nga ana e tifozëve serbë dhe pastaj nis sherri mes tifozëve shqiptarë dhe atyre.
Shqiptarët ishin më shumë në numër dhe serbët që provokuan u rrahën nga tifozët shqiptarë që ishin më shumë në numër.
Gjithsesi festë për fitoren e Zvicrës pati edhe në gjitha qytetet e Kosovës pas ndeshjes, me kosovarët që pushtuan rrugët e qyteteve duke festuar me automjetet e tyre.
Kujtojmë që Zvicra në 1/8 e finales do të përballet me Portugalinë. /Telegrafi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.