Gazeta Si - Prokuroria e Tiranës ka kërkuar 6 vite burg për Flutura Zaimin, e akuzuar për shkelje të rregullave të qarkullimit dhe plagosje të rëndë.
49-vjeçarja u përfshi në një aksident vitin e kaluar në zonën e “Vasil Shantos” në Tiranë, ku mbetën të plagosur 3 persona.
Dy prej të plagosurave po qëndronin në stacionin e autobusit të Tiranës së Re në momentin kur “Benzi” që drejtohej nga ajo i përplasi.
Ato u dërguan në spital për ndihmë mjekësore dhe përfat të mirë nuk kishin dëmtime të rënda.
Dyshohet se nga shpejtësia, gruaja ka humbur kontrollin e mjetit dhe përfundoi brenda një lokali.
Nga përplasja u dëmtuan dy biznese si dhe kabina e qëndrimit të pasagjerëve të stacionit të autobusit.
Ngjarja ndodhi në 15 maj 2021, ndërsa49-vjeçarja u arrestua një ditë më pas.
Ajo akuzohet për plagoje të rëndë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.