.png)
Ndërkohë që mijëra qytetarë janë mbledhur sot në kryeqytet për Ditën e Verës, Partia Demokratike ka akuzuar qeverinë se ka detyruar nxënësit të dalin në grupe për të festuar.
Ish-deputeti demokorat Luçiano Boçi shkruan në një postim në Facebook se nxënësit e shkollave të Tiranës po urdhërohen të dalin të rreshtuar nëpër aktivitet e organizuara nga bashkia.
“Nxënësit e mësuesit e shkollave të Tiranës urdhërohen të dalin të organizuar me kuadrate për ditën e verës së deformuar.Disa nga mesazhet e ardhura nga mësuesit, po jua sjell në foto”,shkruan Boçi. “Propaganda bajate kërkon të stimulojë imazhin e një Shqipërie fanar lumturie e së cilës po i ‘plas gëzimi dhe e mira nga sytë. ‘Jetojmë e punojmë si në rrethim’; ‘Rroftë Shqipëria e lumtur Rilindase’; ‘Me partinë në ballë, përpara për fitore të reja’;
Këto do jenë disa nga parrullat që do shpalosen sot në ditën e verës”, thekson ai.
Ish-deputeti e krahason shtyrjen e kalendarit të Ditës së Verës nga 14 marsi në 17 mars me festimet që ndodhin në Korenë e Veriut.
“Koreja e Veriut është në vitin 108, jo 2019, sepse vendi i shënon vitet sipas kalendarit Juche, i cili u prezantua në vitin 1997 dhe bazohet në datën e lindjes së Kim Il-sung: 15 prill 1912. Viti 1912 përdoret si Juche 1 dhe nuk ka Juche 0. Tiranën sot do ta ketë zili vetë Pheniani!!!!”, përfundon Boçi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
