.png)
Gazeta Si - Paulo Dibala nuk do ta rinovojë kontratën dhe në fund të sezonit do të largohet nga Juventusi. Ky është përfundimi i takimit të sotëm mes drejtuesve të klubit bardhezi, - të pranishëm Nedved, Kerubini dhe Arrivabene, - dhe përfaqësuesve të argjentinasit, agjentit Horge Antun dhe Karlos Novel, personi i sponsorizimeve të Dibalës.
Takimi menjëherë dha idenë se nuk do të kishte fund pozitiv. Nga ana tjetër, premisat për ndarjen mes palëve janë vënë re prej muajsh. Asnjëherë palët nuk kanë qenë afër firmës për zgjatjen e kontratës.
Juventusi i ka ulur në mënyrë progresive shifrat për pagën e sulmuesit, të cilën e ka lidhur edhe me numrin e ndeshjeve. Një sinjal i fortë se dëmtimet e shpeshta kanë lënë shenjë në fazën e bisedimeve. Një qëndrim, që e ka bindur Dibalën se nuk konsiderohet më i rëndësishëm për projektin bardhezi.
Lidhja e krijuar që prej vitit 2015 është e destinuar të mbyllet pas tre muajsh. Një mbyllje që me siguri nuk do t’u pëlqejë tifozëve të ‘Joya’-s, të cilët e duartrokitën gjatë ndeshjes me Salernitanën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
