Nga Gazeta Si- Gjykata Administrative ka rrëzuar sot vendimin e Komisionerit për Mbrojtjen nga Diskriminimi, që i kërkonte pastorit të njohur Akil Pano të heshtte ndaj agjendës se komunitetit LGBT që kërkon zëvendësimin e prindërve me termin Prindi 1 dhe Prindi 2.
Me anë të një statusi në rrjetin social Facebook, Avokati Altin Goxhaj ka njoftuar se në gjyqin e sotëm është rrezuar vendimi i Komisionerit se Pano ka nisur një fushatë keqinformimi të mbushur me gjuhë urrejtjeje ndaj komunitetit LGBTI+, duke përdorur median, rrjetet sociale dhe mbështetjen e ndjekësve të tij. Përkatësisht bëhet fjalë për iniciativën e komunitetit LGBT që fjalët “nënë” dhe “baba” të zëvendësohen me termat “Prindi 1” dhe “Prindi 2”.
Një ndër personat që ishte angazhuar më fortë publikisht kundër kësaj nisme ishte dhe pastori Akil Pano. Ai u denoncua nga komuniteti LGBT tek Komisioneri për Mbrojtjen nga Diskriminimi që i dha të drejtë komunitetit LGBT dhe detyronte Pastorin Pano të mos ndikonte në nismë.
Sot Gjykata Administrative e ka konsideruar të paligjshëm vendimin për pastorit, duke rrëzuar vendimin e Komisionerit.
“Fitore e Madhe e Familjes, fitore e Babit dhe Mamit kundër Prindit 1 dhe Prindit 2 të Axhendës LGBQ. Sot Gjykata Administrative rrëzoi Vendimin e Komisionerit të Diskriminimit LGBQ që i kërkonte Pastorit Akil Pano të heshtte ndaj Axhendës LGBQ që kërkonte të zëvendësonte Babin dhe Mamin me Prindin 1 dhe Prindin 2”, shkruan Goxhaj në Facebook.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.