.png)
Një incident në gazsjellësin finlandez që shtrihet në detin Baltik, po kërcënon përsëri tregun e gazit në Europë.
Një dëmtim, që sipas qeverisë së Finlandës ‘duhen muaj për ta riparuar’ mund të çojë në mungesë të gazit të lëngshëm për vendet e Europës. Sipas qeverisë së Helsinkit, autoritetet kanë gjetur pikën e dëmtuar në tubacionin e gazit Baltic Connector. Dëmi u zbulua natën e 8 tetorit. Për këtë sulm akuzohet Rusia.
Dëmi në strukturë është ndjerë direkt në bursën holandeze të gazit, ku çmimi u rrit me 30% brenda 3 ditëve duke arritur 50euro/MWh.
Paralelisht, lufta në Lindjen e Mesme midis Izraelit dhe Gazas, po ushtron tjetër presion mbi çmimet e naftës në botë, e cila po qëndron në 88 dollarë për fuçi.
E njëjta situatë ndodhi vitin e shkuar me gjigandin rus NordStream, por tregjet dhe e gjithë Europa ndjenë një goditje shumë më të fortë. Gjithsesi kërcënimi mbetet i lartë në afërsi të sezonit dimëror.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
