.png)
Drejtoria e Përgjithshme e Shërbimeve të Transportit Rrugor raporton se gjatë 8-mujorit të parë të këtij viti në territorin shqiptar janë futur 13 mijë automjete të vjetra më pak se e njëjta periudhë e një viti më parë.
Ky fenomen shihet pas hyrjes në fuqi të ndryshimeve që iu bënë ligjit për importin e automjeteve të përdorura.
Qeveria e shpjegoi vendimin e saj për këtë çështje me mbrojtjen e mjedisit. Pritej që ndryshimet në ligj të sillnin një rinovim të flotës së automjeteve në qarkullim, e rrjedhimisht të ndikonin në pastrimin e ajrit nga ndotja.
Sipas ndryshimeve në ligj, automjetet e përdorura që do të futen në territorin e Shqipërisë duhet të përmbushin kushtet teknike mbi Euro 4. Kurse automjetet me kilometrazh 0 duhet të përmbushin kushtet Euro 5 dhe Euro 6.
Tregtarëve të automjeteve u është lënë afat deri në datën 31 dhjetor 2019 që të zhdoganojnë të gjitha automjetet që kanë hyrë në territorin shqiptar deri në dhjetor 2018, pavarësisht vitit të prodhimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
