Një studim i fundit italian paralajmëron për një variant të ri të Covid i riemërtuar EG.5, porse nuk është "më i rrezikshëm" se mutacionet e tjera të virusit të analizuara deri më tani.
Hulumtimi, i cili do të publikohet në Journal of Medical Biology, u krye nga tre mjeke dhe studiues italianë
Pandemia ka marrë fund, siç zyrtarizoi edhe OBSH disa muaj më parë duke i dhënë fund gjendjes së jashtëzakonshme globale.
Varianti Eris, i dyti më i përhapur në mbarë botën dhe i pranishëm me 10% në Itali, "ka një virulencë më të ulët se variantet e tjera të Omicron, megjithëse ka shfaqur një prevalencë në rritje".
Varianti sipas studiuesve nuk duhet të shqetësojë pasi ka një virulencë edhe më të ulët se Omicron, që na ka mbajtur “shoqëri” vitin e fundit.
Por studimi është i nevojshëm për të “siguruar dhe shmangur alarmin – shpjegon një nga nënshkruesit e këtij studimi.
Potencialet e membranës të këtij virusi tregojnë se nuk është më ngjitës ose më virulent.
Shpejtësia e mutacionit është e barabartë me atë të 'Arturo' dhe 'Kraken'".
Arturo mbetet dominues pavarësisht nga rritja e variantit të ri, i cili gjithashtu mund t’i zërë vendin, por nuk shqetëson popullatën.
Kraken në anën tjetër është ’i rrethuar’ nga EG .5.
Duke marrë parasysh të dhënat gjenetike dhe strukturore të paraqitura për Sars-CoV-2, EG.5 aktualisht nuk ka asnjë provë që tregon se ka rrezik të lartë ose kapacitetin e mundshëm për tu zgjeruar së tepërmi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.