.png)
Mushkonja e malaries 'Anopheles sacharovi' është rikthyer në Pulia pas 50 vitesh, çka ka vënë në alarm ekspertët.
50 vjet më parë, Italia u shpall një vend pa malarie nga Organizata Botërore e Shëndetësisë (OBSH).
“Kjo është një tjetër shenjë shqetësimi për ndryshimet që po shkaktojnë klima dhe modifikimet e mjedisit. Sigurisht që nuk po flasim për një rrezik të menjëhershëm të kthimit të malaries në Itali. Por është një paralajmërim që kërkon marrjen e masave serioze”, thotë Pier Luigi Lopalco, profesor në Universitetin e Salentos.
Siç shpjegojnë autorët e studimit, hetimi u krye në zonat përreth zbulimit të parë, duke u fokusuar në fermat e kafshëve, stallat e kalërimit dhe vendet e mundshme të shumimit. Mushkonjat e rritura u mblodhën në disa zona natyrore dhe rurale.
Nga 11 vendet e analizuara, 6 rezultuan pozitive për praninë e Anopheles. Të 20 ekzemplarët e Anopheles maculipennis të mbledhura në zona u identifikuan si Anopheles sacharovi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
