.png)
Gazeta Si - Partizani më në fund ia ka arritur qëllimit të afrojë brazilianin Viktor Da Silva. Lojtari që shkëlqeu me fanellën e Vllaznisë ishte një nga objektivat kryesorë të klubit të kuq dhe tashmë është konkretizuar.
“Partizani njofton afrimin e Viktor Da Silva në skuadër. Mesfushori me tipare sulmuese është përforcimi më i fundit në këtë sesion të merkatos. 27-vjeçari brazilian, pas 2 sezoneve te Vllaznia dhe eksperiencës së shkurtër në Qipro, ka firmosur një kontratë dyvjeçare me 16 herë kampionët e Shqipërisë”, - shkruhet në njoftimin zyrtar të klubit Partizani.
Afrimi i Da Silvës u komplikua për shkak të kalimit të tij në Qipro. Megjithatë, drejtuesit e Partizanit e gjetën mënyrën për ta veshur atë me fanellën e kuqe.
Për merkaton duhet thënë se edhe Tirana ka afruar së fundi një sulmues Brazilian dhe pret edhe ndonjë përforcim të fundit. Vllaznia ka ende pezull çështjen e Esat Malës, ish-lojtarit të Partizanit, që është ‘peng’ i dokumentacionit me klubin turk, që ka kartonin e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
