.png)
Gazeta Si – Partizani me 3 fitore në tri javë dhe Erzeni pa asnjë humbje përballen sot në “Elbasan Arena”, në orën 17:45. Pritet një ndeshje interesante, me të kuqtë favoritë për fitore.
Nëse skuadra e drejtuar nga trajneri Kolela merr fitoren e katërt radhazi, do të krijonte një shëkputje të konsiderueshme në renditje, edhe pse është java e 4-t e Superiores. Partizani ka 9 pikë, ndërsa Vllaznia dhe Egnatia, dy ndjekësit më të afërt, kanë nga 6 pikë. Një tjetër fitore sot në Elbasan, do të thotë dyfish i pikëve për të kuqtë.
Por me atë që ka treguar Erzeni në këto javë të para, nuk do të jetë aspak e lehtë për Partizanin. Edhe pse patën shumë vështirësi në organizim, shijakasit goditën në shenjë me lojtarët që afruan dhe në 3 javë kanë 1 fitore dhe 2 barazime.
Po sot, në orën 15:00, luhet ndeshja tjetër mes Laçit dhe Bylisit. Kurbinasit vijnë pas dy humbjesh dhe duhet të reagojnë patjetër për të mos i komplikuar më tej pozitat e tyre dhe trajnerit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
